“Vdes dhe nuk kthehem mbrapsht”, 41-vjeçarit që iu vranë 15 anëtarë të familjes i jep fund jetës

Një shqiptar nga Kosova, 41 vjeç, i dha fund jetës së tij duke u vetëvarur në bodrumin e gjykatës në Bordo të Francës. Ai ka refuzuar të hipë në aeroplan dy ditë më parë në Prishtinë, për të kryer vetëvrasje dje. Ai u shpreh se nuk mund të kthehej në Kosovë sepse ishte i zhgënjyer me qëndrimin e atij “shteti” ndaj tij dhe qytetarëve të tjerë dhe se më mirë do të vdiste sesa të kthehej atje. I ndjeri erdhi në Francë me vëllain e tij 15 vjet më parë, zotëroi gjuhën, por nuk arriti të integrohej në komunitet dhe kreu një sërë krimesh që çuan në kthimin e tij në Prishtinë.

I ndjeri mësohet se kishte një të shkuar që kishte lënë trauma tek ai. Sipas dosjes së Prokurorisë 41-vjeçarit i kishin vrarë 15 anëtarë të familjes, gjë e cila lidhet dhe me dëshirën e tij për të mos u kthyer në Kosovë. Vetëvrasja e shqiptarit ka shokuar mbarë opinionin publik.