Një mësuese 46 vjeçare ka humbur jetën në Spitalin e Pogradecit pak minuta më parë. Familjarët tregojnë se, e kanë dërguar në urgjencë rreth orës 19:00 pasi nuk është ndjerë mirë. Mësohet se nga azma dhe sapo ka mbërritur në urgjencë dhe ka filluar ekzaminimi, por më vonë gjendja e saj është përkeqësuar dhe ka ndërruar jetë. Ende nuk dihen shkaqet që çuna në vdekjen e saj, por familjarët kanë akuzuar mjekët dhe infermierët e urgjencës për mjekim të gabuar.
Trupi i 46 vjeçares Anila Bazelli, është transferuar në morgun e qytetit por autopsia do të kryhet nga ekspertë nga Tirana, nisur edhe nga pretendimet e familjarëve. Ka qenë prokuroria ajo e cila ka kërkuar ekspertizën nga kryeqyteti për të zbardhur rrethanat e vërteta të vdekjes së mësueses.
Familjarët këmbëngulin që faji ishte i mjekëve. Gjithsesi policia dhe prokuroria vijojnë hetimet rreth rastit, për të zbuluar shkaqet e vërteta për vdekjen e 46-vjeçares
