Ai la pas gjashtë fëmijë, përfshirë më të voglin Giorgio, pak më shumë se një vjeç. Pranë tij në orët e fundit, si në 15 vitet e fundit, ndodhej partnerja e tij, Sandra.
Roberto Cavalli ishte themeluesi i shtëpisë së modës fiorentine me të njëjtin emër.
Gjyshi i tij, Giuseppe Rossi, ishte piktor, me vepra të ekspozuara në Galerinë Uffizi në Firence. Babai i tij, Giorgio u vra nga ushtria gjermane në 1944, i pushkatuar në komunën e Cavriglias.
Deri në moshën 20-vjeçare belbëzonte dhe kishte shumë vështirësi në përqendrim, por arriti të diplomohej në Akademinë e Firences, pasi i tillë ishte pasioni i tij për artin në fillim, pastaj fotografinë dhe në fund modën.
Discussion about this post