Refik Mata, 29 vjeç, shqiptar i dënuar në Nice të Francës për vjedhje është gjetur i pajetë në qelinë ku po vuante dënimin. Ngjarja ka ndodhur më 17 dhjetor, ndërsa fillimisht ishin të dënuarit e tjerë që po vuanin dënimin në të njëjtin burg me të, gjë kuptuan se shqiptari nuk ishte mirë dhe më pas u konstatua vdekja e tij nga mjekët. Ndonëse hetimet e para kishin si pistë kryesore vetëvrasjen, gjërat duket se po marrin një rrjedhe tjetër, pasi avokatja e 29-vjeçarit ka hedhur dyshime, pasi një ditë përpara se të takohej me të ndjerin, ky i fundit kishte pasur një përplasje me gjykatësin. Julie Boano, nga Nice Bar, avokati i Refik Matës e cilëson hetimin si “të pakujdesshëm” .
“Për gjashtë muaj, unë kisha raportuar shqetësimin e klientit tim. Më 7 tetor ka pasur një debat kundërshtues para gjyqtarit të dënimit. Kur mbërriti, klienti im kishte një fytyrë të ënjtur”, shprehet ajo.
Refik Mata ishte sulmuar një ditë më parë nga disa të burgosur. “Prokuroria më siguroi se do të niste një hetim, por unë nuk pata asnjë reagim,” shprehet avokati . Që nga zbulimi i viktimës, familjes iu desh të priste të enjten, gjashtë ditë, për të parë të ndjerin.
“Ne mundëm të hynim edhe në qelinë e tij, gjë që më bën të pyes veten për seriozitetin e hetimit. Ne presim një shpjegim kur për gati një javë nuk kemi mundur të zbulojmë se ku është trupi”, tha avokati.
Discussion about this post