“Vegla të Ramës”, Bardhi ironizon Nokën: Ju po e “tmerroni” kryeministrin

Pas Enkelejd Alibeajt, ka qenë Gazment Bardhi që ka reaguar pas refuzimit që Komisioni i Rithemelimit i bëri platformës së prezantuar më herët nga kreu i grupit parlamentar të PD për bashkimin e demokratëve.

Bardhi i përgjigjet deklaratës së Nokës, i cili theksoi se deputetët që nuk duan Berishën në grup parlamentar dhe parti janë vegla të Ramës, duke thënë me ironi se “ata që po zvogëlojnë partinë, po luftojnë Ramën”, referuar “Rithemelimit”.

“Interesant shumë edhe ky qëndrim: Kush kërkon bashkimin e demokratëve është “vegël” e ER; ndërsa kush po përçanë partinë, po zvogëlon partinë dhe po ecën në rrugën e njëanashmërisë, pa asnjë reflektim, po e “tmerron” dhe “lufton” fuqishëm ER”, shkruan Bardhi.