Kreu i Bashkisë Tiranë, Erion Veliaj, ka zgjidhur qesen në prag fushate dhe po bën arnime rrugësh e fasadash ku të mundet, që të duken mirë për fushatë. Tani radha për të mbuluar abuzimet është e lagjes “Yzberisht”.
Banorët e Yzberishtit shpesh herë kanë denoncuar në media se ndihen të harruar dhe të lënë pas dore nga Bashkia Tiranë, e cila nuk bën asgjë për rikonstruktimin e rrugëve.
“Sa mbarojnë votimet, asnjë gjë. Nuk vihet dorë fare. Sa marrin votat pastaj nuk shikon njeri këtu më. Jemi shumë, shumë të pakënaqur nga kryetari i Bashkisë. Ku po jetojmë? Jemi në fshat apo jemi në qytet. Këtej na piu uji, na piu balta. As me një fshat të Shqipërisë nuk është siç është këtu tek zona jonë. Nuk ka vënën asnjë dorë”, ka denoncuar një qytetare në vitin 2019 në media.
Yzberisht, Nëntor 2020
Por, kur u zhvilluan zgjedhjet elektorale në vitin 2021 Veliaj, bashkë me Ramën, vizituan këto lagje dhe premtuan se çdo lagje e Tiranës do të rehabilitohet dhe do të ketë ujë 24 orë. Në fakt edhe sot që flasim kjo lagje nuk ka as rrugë të mira.
Tani që jemi në kohë fushate Veliaj po derdh para për të rregulluar anësoret e një përroi në Yzberisht. Bëhet fjalë për tenderin me objekt “Sistemim i përroit të hapur në rrugën: ”Engjëll Mashi”, “Loni Ligori”, Yzberisht”.
Sipas grafikut të publikuar firma fituese do të pastrojë shkurret anës përroi, do ta asfaltojë dhe do të mbjellë disa pemë. Për kaq punë Bashkia Tiranë kë vendosur fondin limit me vlerë 205 milionë lekë. Dhe fituesi është Shkëlqim Kupa, përmes firmës “Kupa shpk”.
Ky i fundit është i njohur për kontratat që fiton nga “Rilindja” në shkelje të ligjit. Dhe nuk është më për t’u çuditur që edhe tenderi në fjalë i është dhënë pa garë. Sipas dokumenteve, 15 firma kanë paraqitur ofertat e tyre, 4 prej të cilave me vlerë 160 milionë lekë. Por, Veliaj i ka skualifikuar të gjitha që në fazën e parë dhe la të vlefshme vetëm ofertën e Kupës, edhe pse ishte në një nga më të shtrenjtat. Prandaj, edhe ky tender mban “Flamurin e kuq”. Kështu 200 milionë lekë ikën nga xhepat e qytetarëve dhe fluruan në arkën e Kupës, ndërsa banorët e Yzberishtit vazhdojnë të jetojnë në kushte skandaloze.
Lexo edhe: Tenderi komedi i Veliajt/ Qytetarëve iu prish shtëpitë, shpenzon 340 mln lekë për kolibe qensh
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post