Kryebashkiaku i Tiranës, Erion Veliaj kujdeset për familjen Fusha, që të gjithë anëtarët e saj të përfitojnë kontrata tenderash. Shkëlqim Fusha me kompaninë të quajtur “Fusha shpk” ka marrë më dhjetëra tenderë pa garë nga Veliaj. Ndërkohë, këtë herë Lali Eri ka nxjerrë në skenë djalin e tij Elti Fusha. Në fakt këtë herë është përdorur një skemë më e thellë, për të mos dalë në pah emri i Elti Fushës, por faktet që do rendisim më poshtë tregojnë se pas kësaj afere qëndrojnë babë e bir. Bëhet fjalë për tenderin me REF-40408-09-01-2022 dhe objekt, i cili i është dhënë ERZENI/SH” shpk, me drejtues Artor dhe Erzen Llesha.
Por, sipas dokumenteve kjo kompani ka si firmë mëmë “Shoqërinë Koncesionare Tirana 4”, që është ngritur posaçërisht për “Përmirësimin e infrastrukturës Arsimore në Bashkinë e Tiranës për katër objektet arsimore në zonën Tirana 4”. Në krye të kësaj shoqërie qëndron Elti Fusha, e cila ka nën zotërim 4 firma të tjera. Në mes këtyre firmave është edhe Fusha Shpk e drejtuar nga Shkëlqim Fusha, si edhe kompania e cila ka fituar këtë tender “ERZENI/SH shpk”. Kështu pra në këtë tender kanë pjesën e tyre të tortës familja Fusha.
Tender pa konkurrencë
Sikur të mos mjaftonin këto skema të mirëmenduara maskimi, të cilat janë ndërtuar nga oligarkët në bashkëpunim me Veliajn, ky i fundit e ka mbyllur këtë kontratë pa garë. Në dokumentin e publikuar në faqen e Open Data Albania rezulton se në garë kanë marrë pjesë 7 kompani. Për 5 prej tyre, Bashkia Tiranë ka nxjerrë argumentin se nuk plotësojnë kriteret standarde të tenderit, ndërsa për 2 firma të tjera nuk ka dhënë asnjë argument, por thjesht i kanë skualifikuar. Kështu ka lënë në garë vetëm “ERZENI/SH shpk”, i cili ka xhiruar në xhep 83 milionë lekë të reja. Kjo skemë ka mungesë të theksuar konkurrence dhe risk të lartë për korrupsion, prandaj edhe kontrata është listuar te tenderët me “Red Flag”
Në dokumentet e shpalljes së fituesit evidentohet se dy nga kompanitë, për të cilat Bashkia nuk ka dhënë asnjë arsye për skulifikimin, kanë dhënë ofertë më të lirë se fituesi. Por në shkelje të ligjit, Veliaj nuk i ka marrë fare në konsideratë. Sigurisht që do ta mbyllte një sy e të bënte një vesh shurdh, pasi tenderi lë dyshime që është hartuar posaçërisht për të birin e Fushës.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post