Këtë të premte po zhvillohet një protestë kundër kryebashkiakut të Tiranës, Erion Veliaj, pas arrestimit të drejtorëve të institucionit që ai drejton për abuzime me tenderët dhe përfitimin e milionave me kompaninë “5D”.
Protesta nisi në orën 11:00 para bashkisë, me protetuesit që kërkojnë dorëheqja e Erion Veliajt dhe arrestimin e tij. Përveç qytetarëve, prezentë ishin dhe përfaqësues të opozitës, të cilët dhanë mesazhet e tyre.
Në disa momente pati përplasje mes protestuesve dhe policisë, pasi efektivët ndaluan përpjekjen e qytetarëve për ty hynë brenda bashkisë. Gjithashtu, protestuesit qëlluan me vezë e mollë fasadën e bashkisë.
Pakënaqësi për veprimet e policisë shfaqën këshilltarët e opozitës në bashki, të cilët po ashtu nuk e lejuan të hyjnë në ambientet e brendshme. Mjeku Ilir Alimehmeti sqaroi se qëllimi i tyre ishte të dorëzonin në zyrën e protokollit kërkesën për mbledhje urgjente lidhur me çështjen “5 D”.
Sa i përket protestës, mësohet se pas saj, qytetarët do të zhvendosen para Prokurorisë së Posaçme për t’i njoftuar kërkesën e tyre për prangosjen e kryebashkiakut.
Protesta është organizuar nga Aleanca për Mbrojtjen e Teatrit, ndërsa i janë bashkuar partitë opozitare dhe qytetarë.
Kujtojmë se më 28 mars u lëshuan urdhër-arreste për drejtorët e Bashkisë së Tiranës, Redi Molla, Mariglen Qato dhe Taulant Tusha, ndërsa 6 zyrtarë të tjerë u lanë në detyrim paraqitje.
Nga hetimet e SPAK-ut rezulton se drejtorët e Veliajt Molla e Qato kishin krijuar kompaninë “5D” dhe kishin përfituar tendera jo të rregullt ligjor nga bashkia dhe institucionet nën varës.
Vetë Veliaj nuk ka mbajtur asnjë përgjegjësi për rastin, duke pretenduar se nuk kishte dijeni për aktivitetin kriminal të bashkëpunëtorëve të tij të afërt, edhe pse të dhënat të çojnë në një tjetër përfundim logjik.
Lexo edhe:
Discussion about this post