Bashkia Tiranë mban rekord sa i përket ndërtimeve të reja në një vit. Nga ana tjetër Ministrisë së Mjedisit as nuk i bënë përshtypje që brenda 2021 Vleiaj ka dhënë lejë për ndërtimin e 3.6 milionë metër katror në Tiranë me 140 milionë lekë të vjetra nga 140 kompani.
Por, numri i lartë i ndërtimeve dhe vlera marramendëse e shpenzimeve janë denoncuar shpesh herë nga opozita, ndërsa sot deputetët e PD e kanë ngritur këtë shqetësim në Komisionin e Ligjeve. Deputeti Enkelejd Alibeaj tha se, në Tiranë, brenda një viti Bashkia ka dyfishuar në mënyrë të pashpjegueshme dhënien e lejeve të ndërtimit. Ai kërkoi shpjegim nga kreu i Drejtorisë së Pastrimit të Parave në Shqipëri se pse e ka lejuar këtë masakër, duke përftuar nga gjendja në të cilën ndodhet vendi prej pandemisë.
Mes debatesh, kreu i këtij institucioni, Elvis Koçi, edhe pse pranoi se pas ndërtimeve mund të fshihet pastrimi i parave, tha se kjo çështje nuk ka lidhje me projektligjin që po diskutohej në Komision. Por, Alibeaj insistoi sërish për të marrë përgjigje në lidhje me shtimin e ndërtimeve shumëkatëshe në Tiranë. “Bankat nuk japin para për ndërtim thotë Banka Botërore, shqiptarët nuk kanë para në xhepa dhe ikin. Me çfarë parash ndërtohen këto gradaçela”, tha ai Në përfundim Alibeaj kërkoi që këto çështje te hetohen nga prokuroria e Tiranës dhe pse jo të vihet në lëvizje edhe SPAK.
Discussion about this post