Kryetarja e Lëvizjes Socialiste për Integrim, Monika Kryemadhi ka reaguar pas dëshmisë së kryetarit të Bashkisë Erion Veliajt, në Komisionin Hetimor për Inceneratorët. Veliaj tha se komisioni po merr për bazë shpifjet që thotë Kryemadhin nëpër TV.
Sakaq, kjo e fundit ka publikuar një video ku Veliaj tregon vetë se edhe për një ndihmë ekonomike duhej të marrë vendimin e Këshillit Bashkiak. Ndërsa për aferën e miliona eurove nuk ka marrë aspak miratimin e organit kompetent.
“Erion Veliaj i kupton shumë mirë kompetencat e Këshillit Bashkiak. E kupton aq mirë sa edhe për 30 mijë lekë të vjetra duhet miratimi i Këshillit Bashkiak. Shikojeni si e ka thënë me zërin e vet, që si Kryetar Bashkie nuk miratonte dot ndihmën ekonomike pa këshilltarët e Këshillit. Pra për 30 mijë lekë të vjetra duhet Këshilli, për pagesa ndaj koncesionit 30 vjeçar nuk i duhet aspak”, tha ajo.
Edhe Jorida Tabaku i vuri në dukje Veliaj se ai gënjen kur thotë se ka marrë miratimin e Këshillit Bashkiak për inceneratorët, por ka dhënë buxhetin pa një shkresë të këshillit.
Discussion about this post