Erion Veliaj, është një nga ata kryebashkiakë që kërcënon, ofendon dhe denigron gazetarët sa herë që ata nxjerrin sheshit abuzimit të tij. Pas këtyre fjalëve të vrazhda, Veliaj vazhdon të bëjë përvetësime dhe shpërdorime me tenderët.
Këtë herë, Lali Eri ai ka gostitur me një dhuratë të mirë kushëririn e deputetit socialist Paulin Sterkaj. Bëhet fjalë për tenderin me objekt “Ndërtimi i rrugës “Arif Hasko” dhe degëzimeve”, për të cilën do të shpenzohen 400 milionë lekë. Kontrata për tenderin është firmosur më datë 18 korrik 2023 dhe ka afat 4 muaj. E themi me bindje se ky fond është në risk të lartë prej korrupsionit të Lali Erit, sepse prokurimi është nënshkruar në shkelje të ligjit.
Tenderi ka marrë “Red Flag” nga Open Data Albania për shkak të mungesës së një gare të mirëfilltë, duke qenë se nuk ka pasur konkurrencë.
Në fakt kanë qenë 12 kompani të kanë paraqitur ofertat e tyre, dhe 6 nga këto oferta kanë qenë në vlerat më të ulëta se e fituesit. Kështu, fitues është shpallur firma “Sterkaj shpk”, në pronësi të Lulzim Sterkajt, i cili është kushëriri i deputetit të ‘Rilindjes’ Paulin Sterkaj.
Prandaj, edhe pse kishte ofertën më të shtrenjtë, me vlerë 330 milionë lekë, Veliaj ia bëri dhuratë në tavolinë kontratën. Lali Eri ka përdorur metodën e tij të përhershme, nxori nga gara të gjitha ofertat më të lira. Siç ndodh gjithmonë, edhe këtë herë kryebashkiaku firmosi një ofertë më të shtrenjtë nën abuzimin me rregullat e prokurimit.
Përveç kësaj, shohim se këto miliona do të shpenzohen për një rrugicë, që lidh një nga lagjet e Saukut me TEG-un. Ajo është një rrugicë që ekziston por në çdo fushatë i është hedhur vetëm çakull, tani Veliaj është kujtuar t’i hedh një shtresë asfalt. Ishte rast i mirë për të ushqyer një “peshk” të madh!
Lexo edhe: Berisha akuzon: Projekti i djegësit të Tiranës, nga gruaja e Veliajt
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post