Ka mbetur vetëm që ligji i për prokurimet të shfuqizohet dhe Erion Veliaj të vazhdojë i qetë abuzimet me buxhetin e Bashkisë Tiranë! Së fundmi, kryebashkiaku ka manipuluar garën e tenderit për deinzfektant. Me 14 tetor 2022, kjo bashki ka mbyllur prokurimin me numër reference REF-39357-08-19-2022 dhe objekt “Blerje preparate për dezinfektim, dezinsektim dhe deratizim”. Për këtë tender Bashkia Tiranë do të paguajë 33 765 120,00 të reja. Kazanët e plehrave vazhdojnë të qëndrojnë për ditët të tëra të tejmbushur, rrugët janë të papastra, por megjithatë për dezinfektim jepen paratë çdo muaj. Pse duhet të bëhet ky tender, kur qytetarët e Tiranës paguajnë një ndërmarrje për pastrimin e qytetit? Pse është “Eco Tirana”? Por Veliaj i shpërndan në mënyrë të tillë paratë dhe funksionet që të ketë mundësi të abuzojë.
Në dokumentet standarde të tenderit evidentohet se, katër kompani kanë marrë pjesë në garë, ndërsa fitues është shpallur “Frozzer shpk” në pronësi të biznesmenit Pëllumb Gjoka. Ky i fundit është mjaft i njohur për mediat dhe drejtësinë, pasi është përfshirë në disa skandale. Gjithsesi Veliaj e klient këtë biznesmen. Kështu ndodhi edhe me një tjetër tender para një muaji, kur Veliaj sërish bleu solucione për dezinfektim.
Çdo muaj 33 mln lekë për dezinfektantë
Në 22 gusht 2022 u hap tenderi paraardhës me objekt “Blerje preparate për dezinfektim, dezinsektim dhe deratizim” dhe numër REF-39357-08-19-202. Prokurimi u mbyll në fillim të muajit shtator dhe iu dha kompanisë “Milifar”, me administrator Albert Metani. Edhe për këtë prokurim Veliaj ka paguar 37 milionë lekë të reja, madje u denoncua në KPP për shkeljet mbi të cilat nënshkroi kontratën me Metanin.
Ndërsa në fund të 2021, kompania e Metanit kishte fituar një tjetër tender me të njëjtin objekt, për blerje dezinfektantësh, për të cilin kishte marrë 34 milionë lekë të reja. Kështu, në një kohë të shkurtër Veliaj ka shpenzuar më shumë se 1 miliard lekë për solucione dezinfektuese. Këto para i kanë marrë klientët e tij, si Albert Metani dhe Pëllumb Gjoka. Ky i fundit është edhe fituesi tenderit të mbyllur pak ditë më parë.
Në korrik të këtij viti Gjoka u bë kryefjala e një skandali për prona. Fakte të shumta u publikuan në media dhe madje nga vetë prokuroria, ku dyshohej se Gjoka i ka falsifikuar firmën hallës së tij të moshuar dhe ka përfituar toka në Velipojë. Ndërkaq nuk janë të paktë tenderët pa garë që ai ka përfituar nga qeveria Rama dhe më së shumti Bashkia Tiranë.
Dezinfektantët e Veliajt të rrezikshëm për njerëzit
Tenderi i mbyllur në muajin shtator është denoncuar në KPP për një sërë shkeljesh në kontratë, mes tyre edhe fakti që po bliheshin solucione helmuese. Ankesa zbulon se tenderi i Bashkisë nuk përcakton detyrimin e marrjes së autorizimit nga Ministria e Shëndetësisë për këto helme të rrezikshme. Konkretisht, ankimuesi ngre problemin kryesor se për disa nga produktet, tenderi nuk kërkon certifikim, ndërsa për disa të tjera e vendos këtë kusht. Në këto kushte, mungesa e këtyre certifikatave mund të sjellë shumë mangësi apo rreziqe nga produkti. Sipas ligjit, produktet që sigurohen nga ky tender kërkojnë me patjetër që furnizuesi të jetë i pajisur me certifikatë nga Ministria e Shëndetësisë. Ndërkohë, këto certifikata nuk kërkohen as në tenderin e radhës, çka do të thotë që Veliaj vazhdon të dezinfektojë kryeqytetin me solucione helmuese dhe të rrezikshme për qytetarët.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post