Kryebashkiaku Veliaj pasi mbaroi fondet e këtij viti, po bën tendera me paratë e planifikuar për dy vitet në vijim. Para zgjedhjeve, kryebashkiaku e ka bërë pjesë në buxhetin afatmesëm 2024-2026 edhe oligarkun Salillari, i cili mbushi arkat me fondet e rindërtimit dhe nuk u mjaftua, por po përpin çdo qindarkë të këtyre projekteve.
Edhe tenderi që do të denoncojmë sot është vazhdim i projekteve që nisën me fondet e rindërtimit pas tërmetit.
Bëhet fjalë për tenderin me objekt “Ndërtimi i infrastrukturës publike brenda Unazës së Re së zonës, sipas PDyV Kombinat, (Faza 2).
“Burimi i financimit: me burim financimi Vendimi i Këshillit Bashkiak Nr.36, datë 28.03.2024 “Për disa shtesa dhe ndryshime në Vendimin Nr. 125 datë 22.12.2023 të Këshillit Bashkiak Për miratimin e programit buxhetor afatmesëm 2024-2026 dhe detajimin e buxhetit të Bashkisë së Tiranës për vitin 2024”’, theksohet në dokument.
Ky projekt përfshin lagjet në Kombinat, ku u prishën pallatet (për një pjesë të mirë pati rezistencë nga qytetarët) dhe po rindërtohen banesa të tjera.
Punime gjysmë të gatshme
Me këtë tender do të bëhet ndërhyrje vetëm në zonën me numër 1. Që konkretisht është pjesë e lagjes Kombinat. Ndërtesa, rrugët kryesore dhe lëni e hapësirës për ndriçim dhe ujësjellës janë bërë nga një tjetër kompani.
“Sipërfaqja e totale e ndërtimit 240,000 m2 .numri i popullsisë qe do akomodohet ne apartamente është marre mbi bazën e një apartamenti 80m2 me pesë anëtarë
Detyra e Projektimit për projektin “Ndërtimi i infrastrukturës publike brenda unazës së re së zonës sipas PdyV Kombinat” përfshin ndërtimin e një rrjeti shpërndarje të shtrirë në trotuare të rrugëve që të krijojë mundesinë e furnizimit me ujë në banesat e reja që do rindërtohen pallatet e dëmtuara nga tërmeti i nëntorit 2019. Në këtë detyrë janë përcaktuar llojet e materialeve që do të merren për projektim si dhe sasia e ujit për banorë që do merret në llogaritje. Të katër zonat që do rindërtohet do kenë pika furnizimi nga sistemi unazor i furnizimit me ujë i ndërtuar nga një kompani tjetër’, specifikon dokumenti.
Kjo do të thotë se firma që fiton këtë tender do të merrem vetëm më hedhjen e asfaltit në rrugë, sistemimin e kanalizimeve. Pasi edhe kjo e fundit do të marrë furnizimin nga rrjeti i krijuar për Unazën e re, fituesi do të merret me mbylljen e sistemit të vjetër të ujësjellësit, pra gjysma e punës është gati. Gjithsesi, Veliaj ka vendosur 4.8 milionë euro në dispozicion.
Këto para i ka fituar oligarku Pëllumb Salillari
. Gara për tenderin ka qëndruar e hapur nga 2 deri në 26 gusht 2024, ku dorëzuan oferta 14 firma. Pjesëmarrja është mirë për të zgjedhur ofertën më të favorshme dhe që plotëson kriteret. Por Bashkia Tiranë nuk është nga ato institucione që respekton ligjin mbi prokurimet.
Menjëherë janë mënjanuar nga gara 13 oferta, përveç firmës Salillari, që ka propozuar të bëjë punën me 2.8 milionë euro.
Kishte edhe kompani të tjera që e bënin punën më lirë se sa Salillari, por nuk ishin këtë radhë në mendjen e Veliajt.
Kështu Salillari siguroi fondet që nuk janë miratuar ende, për trotuare dhe korsi biçikletash që duhen të nisin para zgjedhjeve.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/201
Discussion about this post