Pas projekti për “Pyllin Orbital” arriti në qorrsokak se, siç paralajmëroi KLSH, s’ka më vend që të mbillen pemë, Veliaj kthehet tek lulishtet. Në fakt, me lulishtet e qytetit merren çdo ditë punonjësit e Drejtorisë se Pastrim Gjelbërimit të bashkisë, që kanë si detyrë mbajtjen pastër të ambienteve. Shpesh ne i shohim edhe të krasisin pemët, të pastrojnë barishtet si dhe të ujisin lulet.
Por, tashmë Veliaj ka vendosur të zhvillojë një tender më vete për këtë shërbim. Pra, të paguajë kompani private për lulishtet!
Bëhet fjalë për tenderin me objekt ‘Rikonstruksion lulishtesh’ që është hapur që në nëntor të viti të shkuar nga Drejtoria e Përgjithshme e Pastrimit dhe Gjelbërimit në Tiranë, në varësi të bashkisë. Për të bërë këtë punë, kryetari Veliaj ka menduar të shpenzojë rreth 500 milionë lekë.
Sigurisht kjo shifër të tremb. Me kaq para do ishin ndërtuar nga e para shumë lulishte të tjera. Sipas dokumenteve të tenderit, bëhet fjalë për riparime në lulishten “Qemal Stafa” përballë Hotel Rogner, e cila është ndërtuar prej viti 2002 dhe vazhdimisht janë derdhur para për mirëmbajtjen e saj. Lulishte në rrugën Llambi Bonata; një pjesë rreth rrotullimi, i cili ka nevojë për pak barë e lule, si dhe stola. Gjithashtu një pjesë e parave do të shkojnë edhe për Lulishten në rrugën Hamdi Cullhaj, Kombinat, e cila është drejtë përfundimit si infrastrukturë, i duhen vetëm mbjellje bimësh.
Por, si gjithmonë, Lali Eri ka në fokus përfitimin e parave dhe jo investimet reale në favor të qytetarëve.
Denoncimi
Gjithsesi, këtë herë kjo aferë nuk i ka ecur sipas planeve, sepse abuzimet e bëra nuk mund t’ia justifikonte as miku i tij në krye të KPP, Jonaid Myzyri.
Kjo për shkak se, më datë 9 nëntor 2023, pranë Komisionit të Prokurimit Publik, është administruar ankesa e operatorit ekonomik “TEA-D” SHPK dhe objekti i saj lidhet me kundërshtimin e vendimit të Komisionit të Vlerësimit të Ofertave, mbi skualifikimin e ofertës së operatorit ekonomik “TEA-D” SHPK nga procedura e prokurimit.
Më datë 09.01.2024, Komisioni i Prokurimit Publik, pasi shqyrtoi dokumentacionin e çështjes dhe e diskutoi në tërësi dhe vendosi: “Të mos lejojë autoritetin kontraktor për vijimin e hapave të mëtejshëm të procedurës së prokurimit”
Por, Autoriteti Kontraktor ka patur pretendim e vet dhe kështu shqyrtimi nga KPP ka vazhduar sërish. Më datë 19.01.2024, Komisioni i Prokurimit Publik pasi shqyrtoi dokumentacionin e çështjes dhe e diskutoi në tërësi vendosi:
1. Të mos lejojë autoritetin kontraktor për vijimin e hapave të mëtejshëm të procedurës së prokurimit
2. Autoriteti kontraktor të rivlerësojë bashkimin e operatorëve ekonomikë pjesëmarrës në procedurë referuar konstatimeve të vendimit të mëparshëm.
Pra në dy raste KPP vendosi që ky tender të mos vazhdojë procedurat.
Por, çfarë përmbante denoncimi?!
Sipas të dhënave të dokumentit, Firma TEA-D” SHPK dhe “COGREN” SHPK kanë garuar bashkë për këtë tender, por janë skualifikuar pa ndonjë argument ligjor. Ankimuesi shprehet se Komisioni i Vlerësimit të Ofertave nuk ka marrë parasysh dhe nuk ka kontrolluar se ata kishin shkarkuar ne sistem edhe kontratën e sigurimit të ofertës. Por, kanë bërë sikur e kanë injoruar këtë detaj deri në momentin që dha urdhër KPP.
Gjithashtu, KJV nuk ka marrë në konsideratë një tjetër kriter që plotësonte kjo ofertë .Operatori ekonomik Tea-D nuk plotëson kriterin për paraqitjen për punë të ngjashme. Por, sërish vartësit e Veliajt kanë vazhduar këmbënguljen sipas porosisë.
Kjo është një shkelje e hapur e konkurrencës së drejtë dhe meritokracisë në treg.
Epo këtë herë Veliajt nuk i eci, megjithëse tenderi vazhdon akoma në sistem dhe nuk është marrë vendimi për anulimin e tij. Me siguri Veliaj po përgatit ndonjë plan tjetër abuziv në prapaskenë për të përvetësuar paratë e lulishteve.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016
Discussion about this post