I akuzuar për përdhunimin e nipit, 45-vjeçari njihet me masën e sigurisë në Gjykatën e Beratit

Është sjellë mbrëmjen e sotme nën masa të rrepta sigurie, pranë ambienteve të Gjykatës së Shkallës së Parë Berat, 45-vjeçari Belul Kokollari.

Seancë që ka zgjatur vetëm 5 minuta, Kokollari është njohur me akuzën e ngritur ndaj tij nga prokurorja A.Papajani si dhe me masën e sigurisë prej 45 ditësh nga Gjykata e Beratit pas ekzaminimit mjekësor që i është bërë tetëvjeçarit ku është konstatuar se ai është dhunuar.

Pasi ka dëgjuar akuzën, mësohet se Kokollari ka thënë vetëm “është një montim” dhe më pas policia e ka nxjerrë nga salla dhe e ka shoqëruar drejt ambienteve të IEPV-së Berat.  Ndaj 45-vjeçarit rëndon akuza e “marrëdhënieve seksuale ose homoseksuale me të mitur”.

Ai u arrestua mesditën e sotme në pikën kufitare të Morinës, duke ardhur për Shqipëri. 45-vjeçari nga Prizreni Belul Kokollari u akuzua nga nipi i tij 8-vjeç se kishte abuzuar me të seksualisht një muaj më parë, kur ai me nënën kishin shkuar për pushime tek daja në Prizren.