Në konferencën e sotme, Taulant Balla, nuk i ka shpëtuar as pyetjeve rreth publikimit të pagave. Nja nga gazetarët e pyeti nëse ishte dijeni dhe nëse kishte një shpjegim për faktin që Erion Veliaj ka 17 këshilltarë dhe me rroga të majme. Balla nuk preferoi të zgjatej më shumë por tha se Prokuroria po heton.
“Unë në gjithë këto vite në politikë kam nxjerrë konkluzionin se në momentin që Prokuroria ka hyrë në hetime, asnjë koment tjetër nuk duhet bërë. Unë e mbështes hetimin e prokurorisë dhe mendoj se kjo ishte një lëvizje e përpjekje për destabilizim, këto të dhëna prishin marrëdhënien punëmarrës-punëdhënës. Duhet të keni parasysh se çdo minutë pasohet nga një sulm kibernetik dhe ndëshkimi më i madh duhet bërë në këtë rast që të mos pasohet nga të tjera raste. ky është një krim që ka dëmtuar rëndë marrëdhëniet punëmarrës-punëdhënës. Nuk dua të hyj në komente të tjera”, tha ai. Kujtojmë se nga liste pagesë kryebashkiaku Veliaj kishte më shumë këshilltar se vetë Rama dhe rroga më të mira.
Discussion about this post