Veliaj përdor rrugët për të “ndriçuar” xhepat e oligarkëve, 12.5 mld lekë për tender korruptiv

Këtë javë kryebashkiaku Erion Veliaj e ka nisur me firmosjen e një projekti që rrjep xhepat e qytetarëve. Bëhet fjalë për një tender me objekt “Blerje materialesh për ndriçim rrugësh” i cili është hartuar në shkelje të hapur të ligjit për prokurimet. Në fakt këtë herë Veliaj duket se ka ngatërruar konceptet dhe në vend që të mendojë për ndriçimin e rrugëve, ka “ndriçuar” në të vërtetë xhepat e kompanisë  që “i fali” tenderin në fjalë. Dhe ky nuk është një tender që kalohet lehtë, pasi kap vlerat e 12.5 miliardë lekëve, ku kompanitë që janë skualifikuar nga gara shprehen se ky lloj projekti mund të realizohet edhe më me pak para, prandaj dhe ato kanë paraqitur oferta me vlera më të ulta.

 Por, Veliaj si “shefi” i tenderave pa garë dhe në shkelje të ligjit i ka skualifkuara ato nga gara dhe ka lënë vetëm kompaninë “A.K.M ALBANIAN INVESTMENT GROUP” Shpk e cila ka paraqitur ofertën më të lartë me 11.9 miliardë lekë. Këtu fillojnë shkeljet e tenderit. Së pari; skualifikimi nga gara të kompanive të tjera, duke lënë vetëm një kompani, çka e çon këtë tender në listën e kontratave “Red Fleg”, pra në shkelje të ligjit dhe që lë hapësira për abuzim.

Së dyti; fakti e bashkia ka pranuar si fituese një kompanie e cila ka paraqitur ofertën shumë të përafërt me vlerën e fondit limit, kur ligji kërkon që t’u jepet “përparësi” ofertuesve më të lirë dhe jo atyre që do i kushtojnë më shtrenjtë buxhetit të shtetit si rasti në fjalë.

Sakandali thellohet dhe bëhet më konkret kur të gjithë ne shohim se edhe në rrugët kryesore të Tiranës mungon ndriçimi, për të mos folur pastaj  rrugët dytësore, ku shumica prej tyre  nuk kanë as trotuare dhe jo më ndriçim e sinjalistika. Madje pak ditë më parë edhe shoferët që punojë me mjete të tonazhit të rëndë kundërshtuan  që të punojnë vetëm gjatë natës, sikur ua diktojnë rregullat e reja, për shkak se rrugët nuk kanë ndriçim.

Pra, çka bërë kaq kohë Bashkia që nuk ka siguruar ndriçim? Pse ka vonuar kaq shumë ky tender, maje dhe pse fituesi ka marrë kontratën para një javë ende nuk kanë nisur punimet për ndriçimet e rrugëve. Sigurisht që këto lloj pikëpyetjesh kërkojnë shumë përgjigje, por njëra ndër to duket fare qartë në shkeljet dhe abuzimet që bëhen me projektet. Pra, e gjithë kjo vjen për shkak se Veliaj së pari mendon si të mbush xhepat e tij dhe jo si të investojë në kryeqytet.