Belind Këlliçi në protestën e opozitës para bashkisë së Tiranës komentoi shkarkimet e fundit të 12 drejtorëve, duke thënë se kjo është vetëm një lëvizje e dëshpëruar e kryebashkiakut Erion Veliaj.
Në fjalën e tij, ai tha se u hoqën disa hajdutë si Elton Kacidhja apo Ermal Kapllani për t’u zëvendësuar me disa kryehajdutë.
Fjala e Këlliçit
Të nderuar qytetarë, duke e nisur me një falenderim për ju që në javën e 30-të nuk keni reshtuar së protestuari, dua të ju jap një lajm në raport me të gjithë atë baltë, llum apo tentative për të mbyllur këtë protestë, njerëz që kanë sulmua pafund duke thënë se pse kjo prostestë ka nisur në verë, ka vazhduar në vjeshtë apo dimër dua tju them që përveç se ka çuar në burg drejtorët e 5D, ka denigruar Erion Veliaj për atë që ai është në të vërtetë, kemi treguar se kjo godinë që formalisht quhet bashki në fakt është fabrika e inceneratorit e cila sot ka shkaktuar një tërmet 12 ballësh në Shqipëri.
12 drejtorë gjatë kohës që jemi në këtu janë shkarkuar nga kryehajduti Veliaj për vjedhje. Një dyzinë me hajdutë me në krye Ermal Kapllanin e Policisë Bashkiake t dhe Elton Kacidhen e UKT që paguan një mal me lekë tek mediat për t’i bërë sulme opozitës.
Po pse e ka bërë këtë a mos ka vënë aty njerëz të nderuar? Jo! Po ju jap vetëm dy shembuj, ka hequr hajduta si Kapllani për të vënë një kryehajdut si Tonin Beni që dhe më të do merremi, ka vënë Erion Rapajn, famozin e Kombinatit, personin përgjegjës për fabrikën e asfaltit, që vidhte vota atje.
Të gjitha këto lëvizje të dëshpëruara të kreut të 5D dhe pronarit të inceneratorit Tiranë i bëj me dije se janë të kota.
Ne nuk lëvizim nga këtu pa shkuar Veliaj para drejtësisë. Një hajdut i kapur me duart në xhepat e qytetarëve të Tiranës që sot mbrohet pa kushte nga kolegët e tij në SPAK, nga Dumani dhe nga dy kolëgët e tij.
Berisha sot në 298 ditë vazhdon të qendrojë i izoluar pa fakte e pa akuzë për një vepër që ka kryer Rama,për ndërrimin e destinacionit të truallit që e ka kryer Rama, mbahet i izoluar sepse ata thonë se ai ka qenë kryeministër dhe si kryeministër kishte fuqi ta ndalte padrejtësinë e Ramës.
Në mbrëmjen e ditës së dielë ku nuk ka as emisione ku nuk ka as vëmendje meret e shoqërohet në komisariat dhe për të mos u bërë lajm e për të mos dalë opozita askund për këtë çështje shoqërohet në komisariar Ergys Çyrbja, ndërsa të hënën në mes të ditës shoqërohet për në komisariat Ilir Meta.
Kush e thërriti Metën në SPAK e ai nuk u paraqit? Kemi muaj që i kemi paralajmëruar këtë skenarë qëkur Berisha ish kryeministër dhe ish-president nuk trajtohet i njëjtë para ligjit, imagjino se çfarë do të ndodhë me njerëzit e tjerë?
Discussion about this post