Disa ditë pasi Policia e Shtetit ka vendosur rihapjen e hetimit për zhdukjen e Enver Stafukës, babait të 4 fëmijëve, vëllai i tij ka vendosur të flas për herë të parë me emra konkret.
Rreth shtatë vite më parë, Enver Stafuka u rrëmbye nga disa persona të cilën u hoqën si policë, për të mos u shfaqur më kurrë.Kur s’kanë asnjë shenjë nga babai i katër fëmijëve, familja e Enver Stafukës ka hedhur dyshimet e para, duke thënë se në zhdukjen e Enverit mund të jetë i implikuar Durim Bami, i njohur si i forti i Niklës.
Vëllai i tij rrëfen natën e 8 shkurtit të 2015-ës, ku teksa po shihte një ndeshje futbolli, kamarieri i lokalit e thërret dhe i tregon lajmin se policia kanë arrestuar të vëllain.
“Po, mund t’ju rrëfehem. Në datën 8 shkurt të 2015, u ula poshtë shtëpisë për të parë një ndeshje futbolli edhe aty me thërret kamerieri, më thotë hajde pak. Shkova aty dhe më tha që para një ore të ka marrë policia vëllain, Enverin sapo ka dalë nga lokali. I thashë përse nuk më kishte njoftuar. Më tha se nuk i dha shumë rëndësi sepse ashtu e kishte menduar ai.”
Sapo është njoftuar mbi detajet e shqërimit të të vëllait , ai ka shkuar menjëherë në komisariat për t’u interesuar, por siç ai tregon policia nuk kishte asnjë urdhër arresti për të, në asnjë nga komisariatet e Shqipërisë.
“Menjëherë shkova në polici dhe pyeta oficerin e rojës që ishte aty duke i thënë ka marrë policia Enverin, këtu është? Më tha jo, s’di gjë. I thashë të pyeste ndonjë. Doli shefi i rajonit, e takova dhe ia tregova. Më tha që s’kishin urdhër arresti për atë.
Po pyes këtu në Krujë nuk është më tha, as në Fushë-Krujë, pyetëm të gjithë komisariatet e Shqipërisë. Vazhdoi orë pas ore, pyeti shefin e gjithë komisariateve dhe nuk ishte në asnjë vend. Në orën 10-11 e gjysmë pasi pyetëm gjithë komisariatet atëherë shkova bëra denoncim për rrëmbimin e vëllait. Pastaj dola në kërkim.”
Discussion about this post