Ambasadori i Ukrainës në Shqipëri, Volodymyr Shkurov në një deklaratë për shtyp ka dhënë detaje për situatën e luftës në vendin e tij, ndërsa shtoi se Ukraina është e pajisur me armë, por ka nevojë ende për ndihma, sidomos për ato humanitare.
“Ukraina është e pajisur me armë por ekziston nevoja për ndihmë, edhe për atë humanitare. Në ambasadë është ngritur një seli për ndihmën humanitare. Kushdo që ka kontaktuar më parë me ambasadën tani mund ta bëjë vërtet. Falenderoj shumë popullin shqiptar për mbështetjen pa kompromis”, tha Shkurov.
Një thirrje të veçantë, bashkëshortja e ambasadorit e bëri për gratë shqiptare. “Kam një dëshirë tu bëj thirrje grave shqiptare. Femrat kanë një fuqi të madhe dhe vendosmëria e tyre është më e fortë se cdo armë. Nëse keni zemër ju ftoj të bashkoheni me qëndrimin tonë të dilni të protestoni”, tha ajo.
Ambasadori i Ukrainës ka paralajmëruar gjithashtu se të dielën e 27 shkurtit do të mbahet një protestë para ambasadës së Rusisë në Tiranë.
Discussion about this post