Gjykata e Apelit të Posaçëm ka lënë në fuqi masën e sigurisë “arrest në burg” për Aleks Pepën, i dënuar më herët për grabitjen e 990 mijë eurove në aeroportin e Rinasit.
Vendimi është marrë sot, më 7 korrik 2026, nga trupi gjykues i përbërë nga gjyqtarja Saida Dollani, pas shqyrtimit të ankimit të paraqitur nga dy të hetuarit kundër vendimit të Gjykatës së Posaçme të Shkallës së Parë.
Apeli ka konfirmuar vendimin e datës 14 prill 2026, me të cilin ishte caktuar masa e sigurisë “arrest në burg” për Pepën dhe të pandehurin tjetër me inicialet I.L., si dhe vendimin e mëvonshëm të 6 qershorit 2026 për vazhdimin e kësaj mase.
Me këtë vendim, Gjykata e Apelit ka rrëzuar kërkesat e mbrojtjes, duke vendosur që Aleks Pepa dhe I.L. të vijojnë të qëndrojnë në paraburgim.
Aleks Pepa është një nga personat e dënuar për grabitjen spektakolare të shumës prej 990 mijë eurosh në aeroportin ndërkombëtar të Rinasit, një ngjarje që tronditi opinionin publik dhe solli një hetim të gjerë nga autoritetet shqiptare.
Discussion about this post