Vajza e Ilir Beqajt heq dorë nga shtetësia shqiptare, Presidenti Begaj e dekreton

Vajza e ish-ministrit të Shëndetësisë, Ilir Beqaj, Deborah Beqaj, ka hequr dorë nga shtetësia shqiptare.

Vendimi për heqjen dorë nga shtetësia është dekretuar nga Presidenti i Republikës, Bajram Begaj dhe është bërë publik në 30 korrik, një ditë para se babai i saj, Ilir Beqaj të dilte nga qelia.

Lajmi vjen në një moment kur emri i familjes Beqaj është në vëmendjen e opinionit publik për shkak të çështjeve gjyqësore që lidhen me ish-ministrin e Shëndetësisë.

Ilir Beqaj ndodhet aktualisht nën masën e sigurisë “arrest në shtëpi”, ndërsa ndaj tij vijojnë procedurat në kuadër të hetimeve të drejtësisë.