Sekretari i Përgjithshëm i Partisë Socialiste, Damian Gjiknuri, në një intervistë për mediat ka folur për vendimin e Gjykatës Kushtetuese për zgjedhjet e 30 qershorit.
Gjiknuri është shprehur se vendimi ishte kilometrik i drejtësisë shqiptare, sepse krijon stabilitet në demokraci.
“Presidenti mund të mendojë ç’të dojë sikur përfaqëson të gjithë shqiptarët. Kishte një dekret, kishte një pretendim, dhe vendimi i fundit i Kushtetueses jo vetëm e zgjidhi, por për mua ky është një vendim kilometrik i drejtësisë shqiptare sepse krijon stabilitet në demokraci. Sanksionon se institucioni i zgjedhjeve është shumë i shenjtë. Në zgjedhje ka një datë, data mund të shtyhet nëse ka konsensus dhe hapësirë kushtetuese siç u bënë në vitin 2017” – tha Gjiknuri.
Gjinuri gjithashtu tha se demokracia nuk mund të merret peng nga një njeri që lajthiti dhe nuk e kuptoi ligjin. Ai gjithashtu veprimin e opozitës për të mos hyrë në zgjedhje është një gabim treshanik.
“Pse nuk e kuptoi presidenti ligjin ça faji kanë shqiptarët thua ti? Ata shqiptarë që e kuptuan shkuan në votim. Si mund të merret peng demokracia se dikush lajthiti dhe nuk kuptoi mirë ligjin. Ne kemi raste në Shqipëri, edhe më përpara janë shtyrë zgjedhjet dhe janë bërë me marrëveshje politike brenda hapësirës kushtetuese. Jo kur i teket njërit që meqenëse njëra palë bojkoton, ky ishte një gabim trashanik politik, ju e dini shumë mirë. Ka një datë, palët ulen në fushë. Kur bojkoton fushën e merr aforfe 3:0. Nuk ka faj populli, por liderët politikë që keqdrejtojnë popullin e tyre, ose atë pjesë që i mbështet” – u shpreh Gjiknuri.
Kujtojmë se ditën e sotme Gjykata Kushtetuese dha vendimin përfundimtar për zgjedhjet e 30 qershorit, duke rrëzuar kërkesën e Shoqatës së Bashkive për t’i shpallur të pavlefshme. Gjykata gjithashtu vendosi që të zhvillohen zgjedhje në ato bashki që janë pa kryetar.
Discussion about this post