Avokati Jordan Daci, që mbrojti padinë e Shoqatës së Bashkive në gjykatë, ka deklaruar se vendimi i Kushtetueses sot ishte i vulosur më parë. Gjithsesi Daci shprehet se nga ky vendim nuk humbi vetëm ai por të gjithë shqiptarët, pasi sipas tij Kushtetuesja nuk u dha përgjigje shumë pyetjeve, pasi nesër mund të përsëritet i njëjti skenar.
“Pres zbardhjen e vendimit për të parë nëse kemi të bëjmë me një rrëzim procedural, që do të ishte më e rëndë. Apo nëse kemi rrëzim se mendojmë se nuk ekzistojnë shkaqe që do të ishte më e pranueshme nga pikëpamja doktrinare. Avokati thekson se nëse do të kishim rrëzim se nuk ka pasur shumicë, “mesazhi është shumë i qartë. Këtu është falë ndikimit politik dhe po pres të shoh konfigurimin e votave se mund të kemi edhe një ide më të qartë. Çështja është mbyllur. Kanë humbur shqiptarët dhe Shqipëria”, deklaroi ai.
Gjithsesi ai tha se do presë që të shohi nëse padia është rrëzuar me votim 5 me 2 apo për shkak se nuk është arritur shumica.
Discussion about this post