Ish-zyrtari i PD, Lisandër Hoxha ka reaguar në lidhje me vendimin e Gjykatës Kushtetuese për zgjedhjet e 30 qershorit. Përmes një postimi në Facebook ai shkruan se, kjo është fatkeqësi, pasi edhe për 2 vite të tjera bashkitë do të jenë në duart e Partisë Socialiste.
Duke e cilësuar si marrëzi vendimin e Kushtetuese, Hoxha thotë se me 11 dhjetor PD do të tregojë se kush e ka fajin për këtë situatë të krijuar dhe në vazhdim do të mbajnë të gjithë përgjegjësi.
“Miq, fatkeqësisht Gjykata Kushtetuese rrezoi mundësinë e përsëritjes së zgjedhjeve lokale! Pra, do te qeverisemi në të gjitha bashkitë e vendit nga socialistet, deri në vitin 2023. Pyetja ime është: Perse i lamë bashkitë pa garë? Çfarë fituan demokratet nga ky veprim? Kush e ka fajin për këtë marrëzi? Këtyre pyetjeve do u përgjigjemi me 11 Dhjetor”, shkruan ai.
Hoxha thotë se, e djathta duhet te kthehet ne misionin e saj sa më parë.
Discussion about this post