Presidenti Ilir Meta deklaroi gjatë një interviste për mediat, se nëse partitë politike nuk janë gati të hyjnë në zgjedhjet për bashkitë pa kryetarë, atëherë le të kandidojnë qytetarë të pavarur.
Meta tha se është perceptim i gabuar ai, se ky vendim merret kundër Bashës dhe hodhi poshtë mundësinë e takimit me kryedemokratin lidhur me shpalljen e datës.
“Nuk kam detyrim ta thërras se nuk janë zgjedhje të përgjithshme. Kushdo një takim le të vijë. Le mos jenë gati partitë për zgjedhje, të dalin qytetarë, kandidatë të pavarur. Po përpiqem të bëj detyrën time pas vendimit të Gjykatës Kushtetuese. Ne kemi marrë një përgjigje nga KQZ-ja. Presidenti do të donte të shpallte zgjedhje në të gjithë vendin.
Shpallja e datës së pjesshme të zgjedhjeve vendore, nuk ka lidhje me z.Basha dhe as me ndonjë parti tjetër. Nëse partitë nuk janë gati për të hyrë në zgjedhje, atëherë le të dalin kandidatë të pavarur dhe çdo qytetar që do të kandidojë” – tha Meta.
Discussion about this post