Gjykata e Posaçme e Apelit ka vendosur shtyrjen e seancës përfundimtare për ish-prokurorin e Përgjithshëm, Adriatik Lllalla për më 22 shtator.
Gjyakata u tërhoq për të marrë vendimin pasi avokati i tij mbrojtës, Sokol Hazizaj paraqiti provat e reja, por gjykata nuk pranoi as marrjen si provë raportin mjekoligjor të Llallës, i cili ndodhet në spital dhe as provën e shërbimeve spitalore në SHBA për kurimin e djalit të tij, që janë paguar nga një shtetas amerikan.
Pas dëgjimit të palëve, trupi gjykues është tërhequr dhe ka vendosur që vendimin final ta japë më 22 shtator, në orën 14:00.
Llalla u denua nga Shkalla e Parë me 2 vite burg dhe disa pasuri iu sekuestruan dhe i kaluan shtetit me akuzën e deklarimit dhe fshehjes së pasurisë. 4 sipërfaqe toke, në total 22 mijë metra katrore dhe 1 apartament në Durrës iu morën ish-kryeprokurorit. Po ashtu Llalla u dënua që për 5 vite mos kryejë asnjë funksion publik, ai e ankimoi vendimin dhe tashmë pritet vendimi i Apelit.
