Real Madridi dhe UEFA mund të jenë në konflikt për Superligën Europiane, por kjo nuk e pengon “Los Blancos” të fitojnë miliona nga ‘Liga e Artë’ e kampionëve.
Me të ardhurat totale të UEFA-s për vitin financiar 2021-2022, që i tejkaluan 4 miliardë euro për herë të parë (duke përjashtuar të ardhurat nga Euro 2020, e cila u mbajt në verën e vitit 2021 për shkak të pandemisë), duke arritur një rritje prej 15%, ishte logjike që … do të grumbulloheshin edhe paratë e fituara nga ekipet pjesëmarrëse në aktivitetet e UEFA-s.
Kështu, kampioni i Europës, Real Madrid, përveç kupës që fitoi në Paris, futi në arkat e tyre 133.7 milionë euro, duke fituar edhe këtë titull, ku i dyti për nga të ardhurat e fituara është finalisti Liverpool, me një shumë totale prej 119.957 milionë euro.
Në vendin e 3-të të listës përkatëse është Bayern Munich me 109.606 milionë euro (është eliminuar në çerekfinale, por skuadrat e tjera gjermane janë eliminuar më herët), i 4-ti është Manchester City (108.743 milionë euro) dhe i 5-ti është Paris Saint-Germain me 92.153 milionë euro.
Në raportin financiar vjetor të UEFA-s (nga i cili janë nxjerrë edhe shifrat e mësipërme) dallohet qartë diferenca kaotike mes Champions League dhe dy kupave të tjera europiane (Europa League, Conference League).
Fituesi i Europa League, Eintracht Frankfurt, përfitoi 100 milionë euro më pak se Real Madridi (38 milionë euro), ndërsa Roma, fituesi i trofeut më të vogël, Conference League, arkëtoi vetëm 19.2 milionë euro.
Discussion about this post