Reshjet e dendura të shiut përgjatë natës vijojnë ende në Podujevë, duke shkaktuar disa vërshime në fshatin Gllamnik. Pamjet që vijnë nga kjo zonë tregojnë se situata ka dalë jashtë kontrollit, pasi siç dallohet uji ka vërshuar drejt oborreve të shtëpive në fshatin Gllamnik. Krahas banesave, shiu që ka përmbytur zonën, po sjell probleme dhe në në qarkullimin e qytetarëve të këtij fshati.
Moti i keq ka përfshirë dhe shumë qytete të Shqipërisë, si Elbasani, Shkodra, Gjirokastra. Problem mbetet dhe furnizimi me energji elektrike. Sipas OSSH problem mbeten shkarkesat atmosferike, ndërsa ka bërë me dije se zonat më problematike lidhur me energjinë janë Dibra dhe Shkodra. Impakti i reshjeve, shoqëruar me shkarkesa (rrufe), në rrjetin elektrik është konstatuar në zonat rurale dhe pjesërisht në rrethinat e qyteteve Dibër dhe Shkodër. Kjo e fundit, në disa lagje ka probleme te furnizimit me energji elektrike si pasojë e dëmtimit të shtyllës 35kV. OSSH thekson se hidrovoret dhe linjat që furnizojnë spitalet, institucionet e rëndësisë së veçantë janë në punë.
Discussion about this post