Verstappen i pamposhtur, pole position edhe në Australi

në Sport

Kohë leximi: 1 min

Kampioni i botës, Max Verstappen regjistron kohën më të shpejtë me një kohë të jashtëzakonshme në pistën e Melbourne.

Piloti holandez la pas gjithë kundërshtarët në tokën e kangurëve edhe pse të tillë nuk kishte në provat zyrtare të Australisë duke lënë pas Russell, Hamilton, Alonso, Sainz, Stroll e Leclerc.

Verstappen e ndali kronometrin në kohën 1’16″732 dhe në garën që do të zhvillohet ditën e nesërme në Melbourne, ai është pretendenti kryesor për suksesin edhe pse Mercedes ka dhënë shenja përmirësimi.

Zhgënjim për Ferrarin që premtoi se do të përmirësohej në këtë garë por me vendin e 5 të Sainz dhe të 7 për Leclerc, ky sezon nuk premton aspak për skuadrën nga Maranello që rrezikon të parakalohet edhe nga Mercedes.