Në provat zyrtare të Çmimit të Madh të Austin në Amerikë, piloti i Red Bull, Max Verstappen ka arritur të pozicionohet i pari në linjën startuese, duke realizuar kohën 1.32.910.
Menjëherë pas tij kronometrin si i dyti më i shpejti e ka prerë kampioni në fuqi Lewis Hamilton, i cili këtë sezon po e ndjen shumë presionin e ushtruar nga hollandezi i Red Bull sa i përket garës për titullin kampion.
Piloti tjetër i Red Bull ka kompletuar podiumin ‘provizor’ , ku Sergio Perez ka lënë pas Valteri Bottas, që pavarsisht pozicionit të katërt, do ti duhet të shlyejë një penalitet prej pesë pozicionesh për shkak të disa ndërhyrjeve që ka kryer në motorrin e njëvendëshes tij.
Vendi i pestë dhe i gjashtë u rezervua për ‘kokëkuqet,’ ku Charles Leclerc dhe Carlos Sainz me Ferrari do të përfitojnë nga një pozicion esktra, pas penalitetit të Valteri Bottas, që do ta nisë garën në vendin e nëntë.
