Ambasadorja e SHBA-ve Yuri Kim ka uruar nga Vlora festën e 109-vjetorit të Pavarësisë së Shqipërisë. E veshur kuq e zi dhe me simbolin e shqiponjës në gjoks, ambasadorja uroi në shqip “Gëzuar ditën e Pavarësisë”, poshtë ballkonit ku më 1912 u ngrit flamuri në Vlorë nga Ismail Qemali.
Ajo shkruan se 100 vjet më parë asgjë nuk mundi t’i ndalonte SHBA-të të mbronin pavarësinë e Shqipërisë dhe asgjë nuk mund të na ndalojë të festojmë sot.
“Asgjë nuk mundi ta ndalojë SHBA që të mbronte pavarësinë e Shqipërisë njëqind vjet më parë. Asgjë nuk mund të na ndalojë të festojmë sot 109-vjetorin e #DitëssëPavarësisësëShqipërisë. Gëzuar”, shkruan ambasadorja amerikane.
Këtë të dielë shqiptarët festojnë 109 vjetorin e krijimit të shtetit të pavarur, ku në 28 nëntor të 1912 është ngritur Flamuri në Vlorë nga Ismail Qemali. Politikanët e të dy kampeve politike në vend kanë uruar shqiptarët për këtë ditë të shenjtë.
Discussion about this post