Deputeti demokrat Ervin Salianji ka reaguar për mbledhjen e grupit parlamentar të thirrur nga Enklejed Alibeaj ku kanë marrë pjesë vetëm 21 deputetë, duke e konsideruar si dështim.
Përmes një postimi në Facebook, Salianji shton se personalisht ka bërë çdo përpjekje për të zhvilluar mbledhje të përbashkët, por u refuzua njëanshmëtisht. Sipas tij, Presidenti i ri duhet të jetë një figurë politike me integritet dhe shpreson që deputetët e opozitës të mos i shërbejnë Ramës.
“I keqardhur që mbledhja e grupit parlamentar të PD dështon për herë të dytë të mblidhet! Personalisht bëra çdo përpjekje për të zhvilluar mbledhje të përbashkët por u refuzua njëanshmëtisht duke prodhuar dhe të pavërteta publike! Kandidati për president duhet të jetë politik dhe me integritet të lartë që ti qëndrojë presionit politik të autokracisë Rama! Çdo zgjedhje tjetër është zgjedhje personale e Ramës siç ndodh në çdo autokraci! 63 deputetët opozitarë të dalë nga zgjedhjet e 25 Prillit përfaqësojnë opozitën, pakicat me 1/3 e këtij numri nuk kanë legjitimitet dhe shpresoj të jenë në naivitet politik dhe jo në shërbim të Ramës!”, shkruan Salianji.
Discussion about this post