Noizy po punon shumë për të na sjellë projekte të reja muzikore dhe së fundmi ka bërë të ditur se e ka gati një të tillë. Me anë të disa postimeve në InstaStory reperi ka treguar për të gjithë ndjekësit e tij se kënga do të vijë nën titullin “Tunde”.
Po ashtu ai ka zbuluar se ky projekt do të publikohet këtë të premte (2 korrik). Noziy ka paralajmëruar të gjithë se ky është vetëm fillimi sepse shumë shpejt do të sjellë shumë hite.
“Vetëm fillimi mos harroni kto janë për “nxemje”, ka shkruar ai. Para pak ditësh, reperi ka bërë të ditur se ka gati një album të ri, që do të publikohet copëza copëza. Noizy ka treguar se këngët do të publikohen çdo javë ose 10 ditë, ndërsa titulli i albumit është zbuluar vetëm së fundmi.
Ky projekt i punuar me kaq përkushtim dhe dashuri do të titullohet “Alpha” dhe Noizy s’mund të gjente një emër më të përshtatshëm se ky për albumin e tij.
“Alpha”, ashtu siç Noizy e ka paraqitur gjithmonë veten e tij, ndër të parët e rep-it në Shqipëri dhe i pari që kryeson top-listat.
