Bedrie Loku, 41-vjeçe, nënë e 4 fëmijëve, i dha fund jetës më 2 janar të këtij viti, duke pirë fotoksinë.
Ngjarja po hetohet nga Policia, ndërsa pista e parë ishte ajo e bullizimit të viktimës përmes një adrese false në TikTok, çka mendohet se e ka shtyrë drejt vetëvrasjes.
Ndërkohë në orët e fundit, Policia ka ndaluar bashkëshortin e viktimës, me dyshimin se ka ushtruar dhunë ndaj saj, dhe mund të jetë ky shkaku i vetëvrasjes. Gjithsesi të dy pistat po hetohen dhe ende nuk ka një shkak zyrtar se çfarë e ka detyruar 41-vjeçaren ti japë fund jetës.
Lidhur me ngjarjen e rëndë kanë reaguar shumë emra të njohur, jo vetëm të politikës, por edhe ekranit. Së fundmi ka reaguar edhe këngëtari Alban Skënderaj, i cili shkruan “ajo që më bën përshtypje dhe që jam i shokuar është qe 41-vjecarja Bedrie Loka e ka denoncuar rastin në polici para 1 viti e gjysmë dhe mesa munda të informohem nuk është marrë asnjë masë!!! Nëse kjo është e vërtetë atëherë është fatale dhe e pafalshme!”
Postimi nga Alban Skënderaj
“Si çdo familjar dhe qytetar i regullt i këtij vendi jam i shokuar me rastin e vetëvrasjes se 41-vjeçares Bedrie Loka e cila është bullizuar sistematikisht në platformen e Tik Tok-ut.
Ngushëllime të sinqerta familjes! Nuk dua të perseritem për fenomenin e tmerrshëm dhe sjelljes primitive e mesjetare që shpesh haset në atë platformë pasi shumë nga personazhet mediatike e kanë ngritur tashmë si problem serioz. Ajo që më bën përshtypje dhe që jam i shokuar është qe 41-vjecarja Bedrie Loka e ka denoncuar rastin në polici para 1 viti e gjysmë dhe mesa munda të informohem nuk është marrë asnjë masë!!! Nëse kjo është e vërtetë atëherë është fatale dhe e pafalshme!
Përse?
A ka një arsye konkrete?
Nëse jo a ka përgjegjës për këtë?
A ka një hetim për këtë?
Një njeri ka humbur jetën!
4 femijë kanë humbur nënën!
Një bashkëshort ka humbur bashkëshorten!
Njerëzit duan përgjige!!!!”
Discussion about this post