Ish kryeministri Sali Berisha ka reaguar pas deklaratës së kryeministrit Edi Rama se pedagogëve do u bëhet Vettingu i pasurisë, në një kohë që sipas Berishës, vetë kryeministri “ka saraje”.
Berisha deklaroi se Rama vetë vuri në krye të arsimit një person që kishte pasur probleme serioze me shkollimin e vet dhe tani u rikthehet përsëri pasi i ka fundosur 8 vite me radhë duke i mbajtur pa kërkime shkencore.
“Ky njëlloj si një urrejtës i kërkimit shkencor e ndaloi. Me arsyen se mban një pedagog 20 diploma, po shumë mirë bëje normën, po jo ta ndalosh. Vuri në krye të arsimit një person që kishte pasur problemet më serioze me shkollimin e vet dhe mori këto vendime. Tani u rikthehet përsëri pasi i ka fundosur 8 vite me radhë duke i mbajtur pa kërkime shkencore, duke u marrë me punësimin e tyrem, jo smund të keni kaq punësime, duke ndërhyrë në kohën e tyre. Duke u mbajtur rrogat në rënie cdo vit për shkak të inflacionit. Tani vërsulet ndaj kërkesave më minimale të pedagogëve, punonjësve sikur ta kishte nxjerrë Enver Hoxha nga hunda. Apo sikur ky universitet të kishte emrin Spiro Koleka. Vërsulet e u tregon hanxharin, Vettingun, kush është ky që u tregon Vettingun këtyre? Kreu i një organizate më korruptive, kriminale në Evropë, që është qeveria e tij, kreu i një organizate që thotë unë firmos fap e fap e paf e paf. Firmos kur entet e specializuara i thonë nuk mund të firmoset. Ligji i tij i xhepit prevalon e ky kërkon Vetting pedagogëve, ky ka fytyrë t’u kërkojë Vetting, që mashtron e thotë se parkun rreth shtëpie 5 mijë metra katrorë e ka blerë me 2 dollarë”, tha Berisha.
Discussion about this post