Hetimet për 7 persona të marrë si të pandehur për vrasjen e Vajdin Lames dhe Klodian Saliut janë shtyrë me tre muaj nga Prokuroria Posaçme.Kjo shtyerje e hetimeve vjen pasi SPAK është ende në proces grumbullimi provash, lidhur me këtë dosje.
Për dy vrasjet e bujshme të 2005 të pandehur janë marrë, Indrit Rusi, Viktor Ymeri, Emiljano Shullazi, Plarent Dervishaj, Lulzim Berisha Indrit Taullau, dhe Luftar Recin. Në kërkim vijojnë të jenë Dervishaj dhe Berisha.
SPAK ka regjistruar çështjen ndaj këtyre personave në tetor të këtij viti dhe në 7 dhjetor Gjykata e Posaçme caktoi ndaj tyre masën e sigurisë arrest me burg në mungesë. Për ekzekutimin e tyre operacioni u shtri në tre qytete Tiranë, Vlorë dhe Durrës.
Luftar Reçi, i njohur ndryshe si i ‘tmerrshmi i Dibrës’ është personi që me dëshmitë e tij ka bërë që të rihapen dosjet e bujshme të dy vrasjeve të bujshme të ndodhura në vitin 2005, ajo e Klodian Saliut dhe e biznesmenit Vajdin Lamaj. Reçi është vënë në pranga për nje tjetër krim, autorësinë e të cilit nuk e ka pranuar ende.
I akuzuar për vrasje dhe trafik droge dhe prej 11 vitesh në burg, Luftar Reçit është është kthyer në personin kyç të hetimeve për shkak të bashkëpunimit me SPAK, për akuzat ndaj dy prej bosëve më të mëdhenj të krimit në Shqipëri, Lulzim Berisha dhe Emiljano Shullazit dhe bandat e tyre. Informacionet që ai ka dhënë si i penduar në dy vrasjet e bujshme të 26 dhe 27 shkurtit 2005 janë kyç për akuzat që SPAK po heton.
Discussion about this post