Deputeti i Partisë Demokratike, Enkelejd Alibeaj, deklaroi ditën e sotme se PD do të vazhdojë t’iu qëndrojë 3 amendamenteve të saj, pasi për një kohë të gjatë ka pasur vettingun si prioritet. Ai tha gjatë një intervistë televizive se më e mira për të gjithë është që mazhoranca dhe PD të ulen në një tryezë të përbashkët për të diskutuar për këto propozime.
“Sot ajo që u diskutua ishte vettingu, reforma zgjedhore dhe ajo territoriale. Qëndrimi ynë edhe për çështjen tonë, ne nuk themi që thjesht duhet votuar. Është mirë të arsyetojmë aksionin politik të secilës palë dhe në një tryezë të diskutojmë që secili të diskutojë argumentet e vetë në sytë e publikut”, u shpreh ai.
Sipas tij, PD ka disa pikë që kërkon t’i shqyrtojë në lidhje me procesin e vettingut dhe kjo nuk duhet të anashkalohet po të merret parasysh se në 2016 reforma që u miratua ishte e njëanshme.‘’Vettingu në drejtësi- Lind pyetja: Çfarë ka ndodhur dhe nuk u realizuar pritshmëri e 2016, a ka të drejtën publiku shqiptar të shohë çfarë e pengoi, pritshmërit e 2016 u realizuan apo jo. U votua kushtetuta me 140, me duartrokitje, çfarë ndodhi. Ligji u miratua në mënyrë të njëanshme, procesi i vettingut me disa standarde politikisht i kapur, vazhdon i njëjti ligj, në këtë moment jemi futur në një procedurë parlamentare për të diskutuar ndërhyrjen në kushtetutë. Ajo kushtetutë s’mund të jetë e opozitës apo mazhorancës ja kemi detyrim qytetarëve.
Sakaq, kujtojmë se PD këmbëngul për vettigun në politikë, madje Basha ka pranuar të jetë ai subjekti i parë që do të hetohet.
Discussion about this post