Pas rritjes së çmimit të bukës, të vajit dhe drithërave sot është rritur edhe çmimi i vezës, që gjithashtu futet në produktet e shportës. Sipas burimeve, një kokërr vezë kushton 30 lekë të reja (300 të vjetra).Çmimi rezulton të jetë rritur me 13 lekë brenda një jave, kryesisht pas ngordhjes së afro 200 mijë pulave në dy nga pularitë më të mëdha në vend.
Qytetarët janë shprehur se zgjidhja në këto lloj kushtesh është që të mos konsumojnë fare vezë ose të futen në borxhe.
“Nuk ha vezë, i kam dhënë zgjidhje,”- thotë njëri. “Do marrim borxh, çdo bëjmë pa ngrënë nuk do rrimë,”- thotë një tjetër.
Prandaj qytetarët kanë dalë sot në protestë pasi çdo ditë po rriten çmimet për çdo produkt dhe qeveria nuk merr asnjë masë, kështu atyre po iu cenohet edhe buka e gojës.
Discussion about this post