Familja Beckham konsiderohet një “institucion” i vërtetë në Britaninë e Madhe, aq sa shpeshherë tabloidët e krahasojnë me familjen mbretërore duke iu referuar popullaritetit që kanë.
David, Victoria dhe fëmijët e tyre janë gjithmonë të pranishëm në eventet kryesore të modës, artit dhe teknologjisë që mbahen në kryeqytetin anglez dhe jo vetëm, kështu që nuk mund të mungonin kurrsesi në koncertin e këngëtarit legjendar Elton John.
Ata rezervuan një plate të veçantë në “O2 Arena” ku shijuan disa prej hiteve të artistit të njohur, ku sigurisht vëmendjen kryesore e morën David dhe Harper që në shumë momente u panë duke kërcyer dhe duke kënduar në sinkron me njëri-tjetrin.
Një tjetër detaj që ra në sy ishte veshja e më të voglës së familjes.
Ajo do të mbushë 12 vjeç në korrik, por mesa duket është që tani një zonjushë e vërtetë, që nuk ka frikë të sfidojë me stilin e saj mami Victoria-n dhe kunatën e saj, Nicola Peltz.
Harper u shfaq e adhurueshme në fotot e familjes. Ajo kishte veshur nje midi dress (fustan me gjatësi mesatare) me një print shumëngjyrësh lulesh shoqëruar me një kardigan të bardhë.
Por ishin këpucët ato që bënin diferencën. 11-vjeçarja hoqi dorë nga atletet dhe veshi një palë shapka lëkure të bardha.
Discussion about this post