Lojtari i Real Madrid, Gareth Bale është sulmuar nga tifozët në dale të qendrës stërvitore. Makina e lojtarit nga Uellsi është qëlluar me stilolapsa nga disa tifozë të inatosur.
Ata e pritën lojtarin e ‘Galaktikëve’ në dalje të qendrës stërvitore duke e ofenduar dhe duke e goditur me stilolapsa.
Rikujtojmë që Bale luajti me Uellsin në sfidën ndaj Bjellorusisë, por u lënduar dhe tani do t’i mungojë Real Madridit për të paktën 3 javë.
Kjo mendohet t’i ketë acaruar mbështetësit e Madrilenëve, të cilët më pas kanë ‘shpërthyer’ ndaj 32-vjeçarit, i cili nuk ka luajtur me Realin që prej muajit gusht.
Bale u bashkua me spanjollët në 2013 nga skuadra e Tottenhamit për shumën rekord të 91 milionë eurove, ndërsa vitin e kaluar u rikthye sërish te ‘Spurs’ në formë huazimi.
Megjithatë tashmë ai është sërish në Madrid dhe kontrata e tij me ta përfundon vitin e ardhshëm, teksa duket se ka për t’u larguar si lojtar i lirë, pasi nuk preferohet më te Reali./K.T/Gijotina.com
Discussion about this post