Nga pamjet e reja të kamerave të sigurisë tregohet momenti kur stafi i restorantit ka nxituar për të ndihmuar Amir Khan pasi është grabitur me armë.
Ish-kampioni i botës në boks sapo kishte mbaruar së ngrëni në restorantin e Londrës Lindore “Sahara Grill”. Pasi u përshëndet me stafin, Khan dhe gruaja e tij Faryal Makhdoom kaluan rrugën drejt një automjeti të parkuar. Por menjëherë, Khan iu afruan dy burra, njëri prej të cilëve i drejtoi armën.
35-vjeçarit iu grabit ora e tij prej 71,000 paund, 19 karatësh prej ari rozë, me diamant Franck Muller Vanguard Chronograph. Dy grabitësit më pas hipën në një automjet që ishte parkuar disa metra më tutje dhe u larguan. Ndërsa Khan-it i afrohet grabitësi, një nga anëtarët e stafit tregon me gisht përpara se të dalë nga restoranti. Një numër i anëtarëve të tjerë të stafit më pas vërshuan nga dera në përpjekje për të ndihmuar Khan.
Tetë burra shihen duke lënë restorantin dhe duke shkuar te Khan. Një dëshmitar në Leyton, në Londrën Lindore, tha: “Vjedhja përfundoi brenda pak sekondash dhe ishte qartësisht në shënjestër.
“Kam frikë se grabitësit e panë orën në rrjetet sociale dhe e ndoqën Amirin që të rrinte në pritë ndërsa ai hante. Ai ishte vërtet i qetë gjatë gjithë kësaj, gjë që është një meritë për të”, deklaroi njëri nga anëtarët e stafit.
Discussion about this post