Një hotel në Sarandë u hodh në erë me tritol. Siç shihet shpërthimi ka qenë i fuqishëm ndërsa e gjithë zona është mbuluar nga pluhuri, e objekti është shkatërruar i gjithi.
Hoteli përdorej vetëm gjatë verës, ndërsa në dimër mbyllej.
Mësohet se objekti kishte futur në konflikt dy palë, të cilat vijojnë të jenë në proces gjyqësor.
Këto janë pamjet e hotelit 3 katësh që u hodh në erë në orët e para të mëngjesit të së hënës në Sarandë.
Ngjarja ndodhi në mes të qytetit në zonën e Bulevardit rreth orës 5:54 minuta.
Shpërthimi i fuqishëm ka tronditur zonën, ndërsa ka dëmtuar edhe të gjitha bizneset që ndodheshin përreth.
Paraprakisht mësohet se për hedhjen në erë të objektit, janë përdorur rreth 5 kilogram lëndë plasëse tritol, ndërsa deri në këto moment nuk ka asnjë të arrestuar për ngjarjen e rëndë.
Hoteli ka qenë objekt sherri mes disa personave, ndërsa ata i ishin drejtuar gjykatës, për shkak se ai është në bashkëpronësi.
Shtetasi grek Dhimitër Evangjeliu ka paditur pronarët Spiro Çabiri dhe Vangjel Shtuka.
Janë shoqëruar në komisariat anëtaret e dy familjeve Spiro Çambiri dhe të Dhimiter Evangjeliu, po vijnë nga Tirana ekspertë xhenierë për të përcaktuar llojin e lëndës plasëse dhe sasinë.
Discussion about this post