Një tjetër rast flagrant i shitblerjes së votave është regjistruar në vendin tonë, këtë herë në Dibër. Kandidati i koalicionit “Bashkë Fitojmë” në Dibër, Ismail Uka ka denoncuar një rast të shit-blerjes së votës nga ana e mazhorancës në qytetin ku ai garon për kryetar Bashkie.
Një inspektor i IKMT, së bashku me dy punonjës të tjerë janë kapur në Dibër duke shpërndarë para vetëm dy ditë para zgjedhjeve vendore të 14 majit.
Elton Lleshi, i cili punon si inspektor pranë IKMT dhe dy punonjësit janë bllokuar brenda një pallati nga banorë të zonës, ndërsa më pas janë shoqëruar nga efektivët e policisë.
Siç shihet edhe nga video e Gijotina.com ku shihet momenti i kapjes së personave të dyshuar të përfshirë në shitblerje votash, mes të ndaluarve dhe personave të tjerë të pranishëm ka pasur debat.
Discussion about this post