Berat Gjimshiti, mbrojtësi i kuqezinjve, ka shënuar mbrëmjen e së enjtes gol për Atalantën, në ndeshjen e Europa League ndaj Sturm Graz, e luajtur në Bergamo. Goli i tij i ka mjaftuar Atalantës për të marrë një 3 pikësh në Grupin D, ku Atalanta renditet e para me 10 pikë.
Gjimshiti ka luajtur mbi 10 ndeshje këtë sezon, duke dhënë një kontribut të çmuar për grupin. Në edicionin e kaluar, 30 vjeçari, edhe pse nuk kishte statistika dhe aq të mira, sa herë i është dhënë mundësia, ka bërë ndryshimin.
Trajneri i skuadrës, Gasperini e vlerëson në maksimum, duke preferuar atë më shumë sesa zgjedhjet e tjera.
Discussion about this post