VIDEO/ Festa e të dashuruarve, Vëllai i Madh surprizon çiftet e BBV

Vëllai i Madh ka surprizuar çiftet e Big Brother VIP me rastin e Shën Valentinit.

Sara-Bardhi, Ilnisa-Meritoni dhe Heidi-Romeo u nxorën nga shtëpia për t’u dërguar më pas në ambientin që u kamuflua si një vend romantik të veçantë.

Ata u dërguan në një ambient të mbushur me pula, dhi dhe dele.

“Çfarë është kjo erë”, u shprehën ata.

Çifteve iu caktua një sfidë që do të shtojë para në çmimin e madh ose do t’i ulë me 20 mijë euro.

Në sfidën e dhënë duhet që të mblidhen vezët dhe qumështi i nevojshëm nga kafshët.

Ndryshe nga çfarë prisnin, çiftet nuk do të shijojnë darkë dhe momente romantike, por do të merren me kafshët.

Në ambientet e arenës së “Supersport”, Vëllai i Madh ka krijuar një minifermë të vogël, të mbushur me kafshë të mundshme nga delet te pulat dhe dhitë, për të cilat do të kujdesen tre çiftet tona.

Sfida do të afektojë, jo vetëm 3 çiftet, por edhe banorët brenda shtëpisë.

“Jam i bindur se do të bëni një punë të shkëlqyer dhe do të bini në dashuri me njëri tjetrin. Nëse kjo nuk ndodhë do të kini dele e dhi aty”- u tha Ledioni çifteve.

“Gjatë ditës së nesërme Vëllai i Madh do të japë një tjetër komunikim për banorët ku do të shihet nëse ata do të ndërrohen apo shtohen. Dera e arenës “Super Sportit” do të jetë e mbyllur dhe nuk duhet të ketë asnjë komunikim me banorët sepse përndryshe Vëllai i Madh do të marrë masa”- i paralajmëroi banorët moderatori Ledion Liço.