Për ngjarjen tragjike në fshatin Mekat të Vlorës, kanë folur familjarë të viktimave, ku thanë se personat nuk kanë pasur konflikt mes tyre.
Sipas tyre, viktimat kanë qenë duke mbledhur ullinj kur janë konfliktuar me njëri-tjetrin.
“Ne tani e morëm vesh, nuk e dimë pse janë vrarë. Tek ullinjtë janë vrarë, teksa po punonin. Nipi ishte me gjithë xhaxhanë, por nuk dihen shkaqet. Unë jam djali i hallës së viktimës. Ne nuk dimë të kenë pasur konflikte, sepse kalonin shumë mirë, u pataksëm kur e dëgjuam” – është shprehur një kushëri i viktimave.
Kujtojmë se mbrëmjen e sotme, në fshatin Mekat, Genci Koreta, 39 vjeç, dyshohet se pas një konflikti për çështje prone ka vrarë me armë gjahu xhaxhain e tij, Jorgji Koreta, 64 vjeç, e më pas veten.
