(VIDEO) I akuzuar nga GJKKO, si pjesëtar i një grupi kriminal, kapet në Ishull Shëngjin 36-vjeçari

Finalizohet operacioni “Member”, kapet në Ishull Shëngjin shtetasi në kërkim për krim të organizuar

Specialistët e Seksionit për Hetimin e Narkotikëve, në bashkëpunim me Forcën e Posaçme “Shqiponja”, finalizuan operacionin policor të koduar “Member”, duke arrestuar shtetasin Fredi Pali 36 vjeç, banues në Lezhë, i shpallur në kërkim nga Gjykata e Shkallës së Parë për Korrupsionin dhe Krimin e Organizuar.

Fredi Pali akuzohet për pjesëmarrje në grup të strukturuar kriminal me veprimtari në fushën e narkotikëve dhe pastrim parash të përfituara nga ky aktivitet kriminal. Ai u kap në Ishull Shëngjin dhe iu vu masa e sigurisë “Arrest në burg”, vendosur më 11 prill 2023.

Materialet procedurale i janë referuar SPAK-ut për veprime të mëtejshme hetimore dhe ligjore.