Një skandal mund të quhet ai që ndodh në burgun e Reçit, nëse dëshmia e 24-vjeçarit që shfaqet në video e publikuar nga JOQ Albania, është e vërtetë.
I riu, Dur Ndou i datëlindjes 1994, është transferuar nga burgu i Fushë krujës tek ai i Reçit, ndërsa në videon e publikuar ai shfaqet duke thënë se posejdon disa armë të ftohta, që i mban në qeli për vetëmbrojtje.
Madje i riu hedh akuza në drejtim të drejtuesve të një prej burgjeve, i ndërtuar në vitet e fundit me fondet e Bashkimit Europian, me synim akomodimin e atyre që konsiderohen si të “dënuar VIP”.
Por duket se ajo që ndodh në burgun e Reçit, referuar videos së publikuar, nuk ka lidhje me ndonje burg të sigurisë së lartë dhe ngjan më së shumti me burgje të Amerikës Latine.
Gjithsesi mbetet për tu parë se sa e vërtetë është video dhe dëshmia që jepet, si dhe çfarë reagimi do të ketë nga autoritetet, përfshi edhe Ministrinë e Drejtësisë.
Ngjarja më e rëndë e regjistruar së fundmi në burgjet shqiptare është vrasja e një të dënuari në burgun e Peqinit, ku si autor i krimit ishte një tjetër i dënuar. Kjo ngjarje ka mbetur ende e pazbardhur përsa i takon arsyeve që shtynë të riun, Sokol Mjacaj, i dënuar me burgim të përjetshëm, të vriste me armë zjarri një tjetër të dënuar.
Discussion about this post