Lefter Maliqi, i cili në 14 maj kandidoi për kryebashkiak të Kuçovës, ka publikuar një tjetër provë, lidhur me atë që e konsideron si manipulim të rezultatit në këtë bashki nga Partia Socialiste.
Maliqi ka publikuar një video ku shihet se si vëzhguesja e PS fut fletë votimi fshehurazi tek numëruesi.
Gjatë një postimi në rrjetet sociale, Maliqi thotë se ky është vetëm një nga shumë rastet të manipulimit të votave që është bërë në këtë bashki. Gjithashtu Maliqi thotë se kutitë e votimit në mesnatë u lanë në mëshirë të fatit me qëllim për të manipuluar rezultatin.
“Krim shtetëror dhe elektoral në KZAZ -në Kuçovë. Shihni videon se si vezhguese e Rilindjes fut fletë votimi fshehurazi tek numëruesi. Manipulim, vjedhje, braktisje e KZAZ para votimit, fallsifikim firmash, kuti të dyshimta me vula e kode të ndërruara. Kamera e sigurisë e instaluar pa funksionim të duhur në të gjitha tavolinat. Braktisja e kutive nga ora 11:15 deri në 12:40 të natës para fillimit të numërimit, ku mbi 1 orë e 20 minuta u lanë në mëshirë fatit dhe keqbërësve. Bashkia Kuçovë u grabit nga narkoshteti në bashkepunim në oligarkun Salillari. S’ka kthim prapa deri në zbardhjen e së vërtetës! Vota e qytetarëve nuk mund të tjetërsohet, fallsifikohet, dëmtohet, deformohet, SPAK-u i Partisë nuk duhet të rrije në heshtje. Bashkia do ju kthehet banorëve!”, shkruan Maliqi.
Discussion about this post